မိသားစု
ဘီယာဆိုင်ကဆူညံနေတဲ့
ကောင်းကင်ဘုံဆိုရင်..
ငါ့မိသားစုကတိတ်ဆိတ်နေတဲ့ငရဲဘုံပေါ့။
သစ်စက်ကလွှသွားနဲ့
မျက်နှာသစ်ရသလိုနေ့တစ်နေ့ကို
မျက်နှာသစ်ရမှာကိုလန့်တယ်။
မိုးလင်းတာနဲ့.....
ငါ့ကိုဝင်တိုက်တာငါ့မိန်းမရဲ့အသံပဲ
သံတုံးသံခဲလိုအလင်းရောင်ကိုမျိုချ
မသေချာခြင်းကိုအသေအချာစီးပြီးထွက်ခဲ့
အနာအဆာမလွတ်တဲ့ဘဝ
ဘယ်ဂြိုဟ်တုကစိတ်ဝင်စားမှာလဲ
ကိုယ့်လူ.....လင်းဆွဲလို
အဝေးကကောင်းကင်ပြိုမှာထက်
အနီးကမြေပြိုမှာကို
ကြောက်နေရတဲ့နေ့တွေများလှပေါ့.....
ခရမ်းပြာထက်လူ