ချစ်သူသိလေ
ချစ်သူသိလေ....
ပန်းပွင့်ရှိမှ၊ ရနံ့ရတာ၊ မဟုတ်ပါဘူး၊ ဖူးသည့်တစ်ငုံ၊ ထုံသည့်တစ်ပွင့်၊ နမ်းခွင့်တစ်ရှိုက်၊ ရရှိခိုက်မှ၊ ထာဝရတည်၊ ကာလရှည်လျား၊ နှလုံးသားမှာ၊ စွဲမြဲစွာဖြင့်၊ ထုံနံ့ယစ်ဝေ၊ ပျံ့ဆွတ်စေ၏၊
ချစ်သူသိလေ...
မျက်နှာတွေ့မှ၊ မြင်ခွင့်ရတာ၊ မဟုတ်ပါကွယ်၊ ဘယ်ကိုရောက်ရောက်၊ ဘယ်လောက်ဝေးဝေး၊ အတွေးမှာရှိ၊ အကြည့်မှာမြင်၊ သူပဲထင်တယ်၊ ကောင်းကင်လိုပဲ၊ မော့ကြည့်ဆဲမှာ၊
တွေ့နိုင်ပါ၏၊
ချစ်သူသိလေ.....
အသံကြားမှ၊ နားမှာဆတ်ဆတ်၊ ကြားလာတတ်တာ၊ မဟုတ်ပါလေ၊ စမ်းရေသံကြား၊ သူ့စကားရှိ၊
ငှက်၏တေးမှာ၊ သူ့သံသာတွေ၊
နှုတ်ချွေစကား၊ နားမှာတီးတိုး၊
ဟိုး .. အရင်လို၊ ရွှင်ရွှင်ကြည်မြ၊
ကြားနေရ၏၊
ချစ်သူသိလေ ...
သတိရလျှင်၊ ဒေသအကွာ၊
နေရတာကွဲ၊ ဘယ်လိုခွဲခွာ၊ ဘယ်လောက်ကွာမလဲ၊ ဘယ်မှာဖြစ်ဖြစ်၊ တွယ်တာရစ်ငင်၊ ထာဝရထင်သော၊ ရင်ထဲအရိပ်၊ စွဲလန်းစိတ်ဖြင့်၊ အိပ်မက်တိုင်းမှာရှိနေသူ ...
မောင်စိန်ဝင်း (ပုတီးကုန်း)